Limampung Dekadang Kaluwalhatian

Kinatha ni Ronel Rubrica / Inareglo ni Erick Fabian

(Verse)

Sa bawat landas ng aming paglalakbay

Sa bawat pahina ng aming kasaysayan

Lagi Kang naroon, O Diyos, aming gabay

Yakap ng pag-ibig Mo, sa amin laging laan!

(Pre Chorus)

Sa hamon at pagsubok Ikaw ang katatagan

Ang yaman ng biyaya Mo’y di mapapantayan!

[Chorus]

Kaya sama-sama kaming magpupuri at sasamba sa'Yo!

Aming itatanghal, kadakilaan at kaluwalhatian Mo!

Ang katapatan Mo’y taos-pusong ipagdiriwang!

Sa'Yo lamang, O Diyos, ang lahat ng karangalan!

Sa bagong hakbang na aming tatahakin

Kalooban Mo, Hesus, ang s'yang susundin

Hawak-kamay, Espiritu'y kasama natin

Pananampalataya na higit pa sa ginto’y pagyamanin

(Pre Chorus 2)

Inihubog at dinadalisay upang maging wagas

Hanggang kami’y maging kawangis ni Kristo sa landas

(Chorus)

Kaya sama-sama kaming magpupuri at sasamba sa'Yo!

Aming itatanghal, kadakilaan at kaluwalhatian Mo!

Ang katapatan Mo’y taos-pusong ipagdiriwang!

Sa'Yo lamang, O Diyos, ang lahat ng karangalan!

(Bridge)

Sa limang dekada ng Iyong pagmamahal

Narito kami sa'Yo, gamitin Mo oh Diyos!

Limampung taon, kami'y Iyong itinawid!

Kaya't kami’y hahayo, ebanghelyo'y itatanghal

Tapat na maglilingkod, sa buhay na matuwid!

(Chorus)

Kaya sama-sama kaming magpupuri at sasamba sa'Yo!

Aming itatanghal, kadakilaan at kaluwalhatian Mo!

Ang katapatan Mo’y taos-pusong ipagdiriwang!

Sa'Yo lamang, O Diyos, ang lahat ng karangalan!

(Outro/Tag)

Sa limampung taon ng Iyong katapatan!

Sa limang dekada ng Iyong kabutihan!

Alay nami'y sukdulang pasasalamat!

Itataas ang Ngalan Mo, tunay Kang karapat-dapat!

(Ending)

Ginintuang limampung taon, papuri sa'Yo, Panginoon!

Ginintuang limang dekada, luwalhati sa'Yo sa habang panahon!

(Reprise)

Kaya sama-sama kaming magpupuri at sasamba sa'Yo!

Aming itatanghal, kadakilaan at kaluwalhatian Mo!

Ang katapatan Mo’y taos-pusong ipagdiriwang!

Sa'Yo lamang, O Diyos, ang lahat ng karangalan!

(Ending 2)

Salamat oh Diyos sa ginintuang limampung taon

Papuri sa'Yo, Panginoon!

Luwalhati sa'Yo sa habang panahon!

Salamat Panginoon!!!